ЖРВИ (жедел респираторлық вирустық инфекция) (ОРВИ)– әсіресе суық кезеңдерде ең жиі кездесетін аурулардың бірі. Ауруды бәрі білгенімен, оның емдеу жолы туралы тұрақты мифтер бар. ЖРВИ-ды қалай емдемеу керектігін және қандай әдістер шынымен көмектесетінін қарастырамыз.
ЖРВИ-ді (ОРВИ) емдеген кезде не істеуге болмайды
- Вирустарға қарсы дәрілерді мен иммуномодуляторларды пайдаланбаңыз. Көп жарнамаланатын «вирусқа қарсы керемет дәрілердің» тиімділігі дәлелденбеген. Көп жағдайда ағза вирустық инфекциямен өзі күресе алады, мұндай дәрілердің қажеті болмайды .
- Ем үшін С дәруменін қабылдау қажет емес. Ғылыми зерттеулер С дәрумені сауығу процесін жылдамдататынын дәлелдеген жоқ. Ол жалпы иммунитетті қолдау үшін пайдалы, бірақ ауру кезінде ерекше әсер күтудің қажеті жоқ.
- Халықтық емдерді абайлап қолданыңыз. Ыстық сусындар, денені ысқылау немесе бу ингаляциялары кейде зиян келтіруі мүмкін. Мысалы, бу ингаляциясы күйікке әкелуі ықтимал, ал балды шамадан тыс пайдалану аллергия туғызады.
- Антибиотиктерді қолданбаңыз. ЖРВИ – бұл вирустық ауру, ал антибиотиктер тек бактерияларға қарсы әсер етеді. Оларды себепсіз қолдану пайдасыз ғана емес, сонымен қатар бактериялардың антибиотикке төзімділігін дамытады.
- Жөтелге қарсы дәрілерді көп пайдаланбаңыз. Жөтел – бұл тыныс жолдарын табиғи тазарту механизмі. Оны негізсіз басу сауығуды қиындатады.
- Жасыл түсті мұрын бөлінділерін жергілікті антибиотиктермен емдемеңіз. Мұрыннан бөлінетін сұйықтықтың түсі әрдайым бактериялық инфекция бар екенін білдірмейді. Антибиотиктер тек дәрігер күрделі асқынуларды анықтаған жағдайда ғана тағайындалады.
ЖРВИ (ОРВИ) кезінде расында не көмектеседі
Көп жағдайда ағза ЖРВИ-мен (жедел респираторлық вирустық инфекциямен) өздігінен күресе алады. Ең бастысы – белгілерді жеңілдетіп, ағзаның күшін қолдау.
- Көбірек тынығу. Өзіңізге демалуға мүмкіндік беріңіз. Ағзаға инфекциямен күресуге уақыт пен күш қажет.
- Дене қызуы жоғары болса, ыстықты түсіретін дәрілер қолданыңыз. Температура 38,5 °C-тан жоғарылап, жайсыздық тудырса, парацетамол немесе ибупрофен қабылдауға болады. Бұл дәрілер қызуды басып, жалпы жағдайды жақсартады.
- Ауаны ылғалдандырыңыз. Құрғақ ауа мұрын мен тамақтың кілегей қабатын құрғатып, тыныс алуды қиындатады және сауығуды баяулатады. Үйде ауа ылғалдатқыш қолданыңыз немесе бөлмеге дымқыл сүлгілер іліңіз.
- Көбірек сұйықтық ішіңіз. Жылы шай, су немесе компот сусыздануды болдырмауға және токсиндерді шығаруды жеңілдетуге көмектеседі.
- Тамырды тарылтатын мұрын тамшыларын абайлап қолданыңыз. Мұндай құралдар мұрынның бітелуін жеңілдетуге көмектеседі, бірақ нұсқауларды қатаң сақтау маңызды. 3–5 күннен артық қолданбаңыз, өйткені үйреншіктілік пайда болуы мүмкін.
Дәрігерге қашан қаралу керек?
Егер ЖРВИ белгілері 7–10 күннен кейін де басылмаса, тамақта немесе құлақта қатты ауырсыну болса, тыныс алу қиындап, жоғары температура үш күннен артық сақталса – міндетті түрде дәрігерге көрініңіз.
Мұндай белгілер асқынулардың белгісі болуы мүмкін және кәсіби емдеуді талап етеді.
ЖРВИ – ақылмен емдеуді қажет ететін ауру.
Есіңізде болсын: ағзаның басты көмекшісі – өзіңіз. Демалыңыз, дәлелденген кеңестерді ұстаныңыз және қажетсіз дәрілерді қолданудан аулақ болыңыз.
- - - - - - - - - - - - -
Жақсы дәрігер іздеп жатырсыз ба?
TopDoc.kz сайтында сізге керек маманды оңай табасыз! Ыңғайлы сервис сізге дәрігерді тәжірибесі, рейтингі, орналасқан жері бойынша таңдауға және қабылдауына ыңғайлы уақытта жазылуға мүмкіндік береді. Ұзақ іздеулер мен кезектерді ұмытыңыз — сапалы медициналық көмек ойлағаныңыздан да жақын. Бүгіннен бастап қолданып көріңіз!
Біз 9 жылдан бері жұмыс істеп келеміз және мыңдаған пациенттерге "өз" дәрігерін табуға көмектестік.
Біздің байланыс орталығына +7(707)2255009 хабарласыңыз немесе WhatsApp-қа жазыңыз.
- - - - - - - - - - - - -
TopDoc.kz сайтында орналастырылған ақпаратты өздігінен диагноз қою және өздігінен емделу үшін пайдалану мүмкін емес. Қандай да бір аурулар немесе сізді алаңдататын белгілер болған жағдайда өзіңіздің емдеуші дәрігеріңізге хабарласыңыз. TopDoc.kz сайтындағы ақпарат дәрігердің бетпе-бет кеңесін алмастырмайды және тек ақпараттық-анықтамалық сипатта ғана.
